ប្រទេសកោះម៉ាល់ឌីវ បង្កើនទំនាក់ទំនងជាមួយចិន ក្នុងពេលមានភាពប្រេះស្រាំជាមួយឥណ្ឌា
ប្រធានាធិបតីចិន លោក Xi Jinping បានចាត់ទុកប្រធានាធិបតីប្រទេសកោះម៉ាល់ឌីវ លោក ម៉ូហាម៉េដ មូហ្សូ(Mohamed Muizzu) ថាជា «មិត្តចាស់» ក្នុងដំណើរទស្សនកិច្ចផ្លូវរដ្ឋលើកដំបូងរបស់លោកទៅកាន់ប្រទេសចិនកាលពីថ្ងៃពុធ។ វាជាសញ្ញានៃទំនាក់ទំនងដែលបានធ្វើឲ្យប្រសើរឡើង រវាងប្រទេសទាំងពីរ ខណៈប្រទេសចិន កំណត់ដំណាក់កាលសម្រាប់ការវិនិយោគបន្ថែមទៀតនៅប្រជុំកោះមហាសមុទ្រឥណ្ឌា ដោយព្រមព្រៀងលើ «ភាពជាដៃគូសហប្រតិបត្តិការយុទ្ធសាស្ត្រគ្រប់ជ្រុងជ្រោយ»។ លោក Muizzu បានចូលកាន់តំណែងកាលពីខែវិច្ឆិកា បន្ទាប់ពីទទួលបានវេទិកាក្រៅប្រទេសឥណ្ឌារបស់លោក ដែលក្នុងនោះលោកបានចាត់ទុកគូប្រជែងក្នុងតំបន់របស់ប្រទេសចិន ជាការគំរាមកំហែងដល់អធិបតេយ្យភាព។ ចាប់តាំងពីពេលនោះមក រដ្ឋាភិបាលរបស់លោក បានស្នើឱ្យបុគ្គលិកយោធាឥណ្ឌាជាច្រើននាក់ដែលមានមូលដ្ឋាននៅក្នុងប្រទេសលោកឲ្យចាកចេញ ខណៈកំពុងចាប់យកឱកាសសម្រាប់អ្នកវិនិយោគចិន។ ទំនាក់ទំនងរវាងឥណ្ឌា និងចិន បានធ្លាក់ចុះយ៉ាងខ្លាំង បន្ទាប់ពីភាគីទាំងពីរបានប៉ះទង្គិចគ្នានៅភាគខាងលិចតំបន់ភ្នំហិម៉ាឡៃ កាលពីឆ្នាំ ២០២០ ដែលបណ្តាលឱ្យទាហានឥណ្ឌា ២០ នាក់ និងទាហានចិន ៤ នាក់ស្លាប់។ ទំនាក់ទំនងរវាងប្រទេសម៉ាល់ឌីវ និងឥណ្ឌា…
