នាយឧត្តមសេនីយ៍ ស ថេត អគ្គស្នងការនគរបាលជាតិ ផ្តល់អនុសាសន៍ដល់មន្ត្រីនគរបាលចរាចរណ៍ អប់រំអ្នកបើកបរល្មើសច្បាប់ ជាជាងចាប់ផាកផាកពិន័យ
រាជធានីភ្នំពេញ ៖ នាយឧត្តមសេនីយ៍ ស ថេត អគ្គស្នងការនគរបាលជាតិ យល់ឃើញថា៖ កម្លាំងនគរបាល និងសមត្ថកិច្ចពាក់ព័ន្ធទាំងអស់ ជាពិសេសមន្ត្រីនគរបាលចរាចរណ៍ ត្រូវបង្កើនការអប់រំច្បាប់ចរាចរណ៍ ដល់ប្រជាពលរដ្ឋតាមគ្រប់រូបភាព ជាជាងឃាត់ចាប់ផាកពិន័យ ព្រោះថា ការផាកពិន័យទៅលើប្រជាពលរដ្ឋ ដែលមិនគោរពច្បាប់ ហាក់មិនជោគជ័យដើម្បីឲ្យមនុស្សគោរពច្បាប់ឡើយ ការធ្វើបែបនេះ ដូចធ្វើបាបប្រជាពលរដ្ឋទៅវិញ ។ នាយឧត្តមសេនីយ៍ ស ថេត បង្ហាញការយល់ឃើញបែបនេះ នៅក្នុងពិធីសំណេះសំណាលជាមួយអ្នកបើកបរផ្តល់សេវាដឹកជញ្ជូនទំនិញ និងអាហារ ព្រមទាំងផ្តល់ប័ណ្ណថ្លែងអំណរគុណ និងមួកសុវត្ថិភាពជាអនុស្សាវរីយ៍ នាព្រឹកថ្ងៃទី១៨ ខែកញ្ញា ឆ្នាំ២០២៤នេះ នៅទីស្ដីការក្រសួងមហាផ្ទៃ ។ នាយឧត្តមសេនីយ៍ ស ថេត មានប្រសាសន៍យ៉ាងដូច្នេះថា ៖ «បើត្រឹមតែយើងម្នាក់ៗ ដែលប្រើប្រាស់ផ្លូវ យើងមិនគោរពច្បាប់ យើងខ្លាចតែនគរបាល យើងអត់គោរពច្បាប់..។ ច្បាប់នោះ គោលការណ៍នោះ ការអនុវត្តនោះ យន្ដការផ្សេងៗ មិនជោគជ័យទេ ច្បាស់ណាស់! ឥឡូវ ឧទាហរណ៍ថា មិនពាក់មួកសុវត្ថិភាព ត្រូវផាកពិន័យ០១លានរៀល ក៏…
