លោក សុខ ពេញវុធ ណែនាំឱ្យសមត្ថកិច្ចចុះបង្ក្រាបហាងកាហ្វេបង្កប់ល្បែងស៊ីសងភ្លាមៗក្នុងខណ្ឌដូញពេញ ក្រោយប្រជាពលរដ្ឋសំណូមពរ
រាជធានីភ្នំពេញ ៖ លោក សុខ ពេញវុធ ណែនាំឱ្យសមត្ថកិច្ចចុះបង្ក្រាបទីតាំងហាងកាហ្វេបង្កប់ល្បែងស៊ីសងមួយកន្លែង ក្នុងមូលដ្ឋានខណ្ឌដូញពេញ ភ្លាមៗក្រោយប្រជាពលរដ្ឋសំណូមពរឱ្យដោះស្រាយ ។ ការថ្លែងបែបនេះក្នុងវេទិកាផ្សព្វផ្សាយ និងពិគ្រោះយោបល់ របស់ក្រុមប្រឹក្សារាជធានីភ្នំពេញ អាណត្តិទី៤ នៅក្នុងបរិវេណវិទ្យាស្ថានជាតិអប់រំ ខាងជើងវិមានឯករាជ ខណ្ឌដូនពេញ នាថ្ងៃទី១៦ ខែតុលា ឆ្នាំ២០២៤ ក្រោមអធិបតីលោក ម៉ម សារិន ប្រធានក្រុមប្រឹក្សារាជធានីភ្នំពេញ និងលោក សុខ ពេញវុធ អភិបាលរង រាជធានីភ្នំពេញ និងជាតំណាងលោក ឃួង ស្រេង អភិបាលរាជធានីភ្នំពេញ ។ ក្នុងឱកាសនោះលោក សុខ ពេញវុធ អភិបាលរងរាជធានីភ្នំពេញ បានណែនាំឱ្យអធិការង និងអភិបាលខណ្ឌ ធ្វើការពិនិត្យ និងចាត់ចែង កិច្ចការបង្ក្រាបរួមទាំងវិធានការច្បាប់ ទៅលើទីតាំងហាងកាហ្វេមួយកន្លែង ដែលបង្កប់ល្បែងស៊ីសងអនឡាញ ក្រោយប្រជាពលរដ្ឋសំណូមពរផ្ទាល់មាត់ ឱ្យជួយដោះស្រាយ ។ ក្នុងវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សារាជធានីភ្នំពេញ អាណត្តិទី៤ នៅខណ្ឌដូនពេញ មានប្រជាពលដ្ឋ ៣រូប បានលើកឡ…
