ក្រសួងឣប់រំចេញលិខិតឣនុម័តជាកំហិតបញ្ឈប់រាល់ការចែកចាយ តាំងលក់ និងផ្សព្វផ្សាយពាណិជ្ជកម្ម ភេសជ្ជៈប៉ូវកម្លាំងគ្រប់ប្រភេទនៅតាមគ្រឹះស្ថានសិក្សាក្នុងប្រទេសកម្ពុជា
(ភ្នំពេញ) ៖ បច្ចុប្បន្ននៅក្នុងប្រទេសកម្ពុជាមានការផ្សព្វផ្សាយ និងលក់ផលិតផលភេសជ្ជៈប៉ូវកម្លាំងជាច្រើនតាមបណ្ដាគ្រឹះស្ថានស្ទើតែគ្រប់កន្លែងទៅហើយ ក្នុងនោះក៏មានផលប៉ះពាល់ជាច្រើនដល់សុខភាពសិស្សានុសិស្សផងដែរ នៅថ្ងៃទី១០ ខែធ្នូ ឆ្នាំ២០២៤ ថ្លែងក្នុងពិធីបើកការដ្ឋានសាងសង់មន្ទីរពេទ្យសាកលវិទ្យាល័យវិទ្យាសាស្ដ្រសុខាភិបាល សម្ដេចធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា បានបង្ហាញនូវក្ដីព្រួយបារម្ភពីផលប៉ះពាល់សុខភាពរបស់សិស្សបណ្ដាលមកពីការផឹកភេសជ្ជៈប៉ូវកម្លាំង ដូច្នេះសម្ដេចនាយករដ្ឋមន្ដ្រីបានណែនាំឲ្យក្រសួងឣប់រំ និងក្រសួងសុខាភិបាល ពិនិត្យផ្សព្វផ្សាយឣប់រំ និងទប់ស្កាត់ការទទួលទានភេសជ្ជៈប៉ូវកម្លាំងគ្រប់ប្រភេទនៅតាមសាលារៀន។ ក្រសួងអប់រំ យុវជន និងកីឡា បានហាមការទទួលទាន ចែកចាយ តាំងលក់ និងផ្សព្វផ្សាយពាណិជ្ជកម្មផលិតផលភេសជ្ជៈប៉ូវកម្លាំងគ្រប់ប្រភេទនៅក្នុង និងជុំវិញបរិវេណគ្រឹះស្ថានសិក្សា។ ការហាមបានធ្វើឡើងតែប៉ុន្មានម៉ោងប៉ុណ្ណោះ បន្ទាប់ពីការណែនាំរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា។ ក្នុងពិធីបើកការដ្ឋានសាងសង់មន្ទីរពេទ្យសាកលវិទ្យាល័យវិទ្យាសាស្ត…
